Шымкенттік GAC GS8 иесі 39 күн ішінде 15 елді қамтыған, ұзындығы 17 500 шақырым болатын ауқымды отбасылық саяхат жасады. Осы уақыт ішінде автомобиль отбасы үшін көлік құралы ғана емес, демалыс орнына да айналып, ұзақ сапар жағдайында өзінің мүмкіндіктерін көрсетті.

Шымкент қаласының тұрғыны Жандос Шалхарбаев жұбайы және төрт баласымен бірге жеке GAC GS8 автокөлігімен саяхатқа шықты. Маршрут Шымкенттен басталып, Ресей, Беларусь, Литва, Польша, Германия, Нидерланд, Бельгия және Франция арқылы өтті. Қайтар жолда отбасы Швейцария, Италия, Грекия, Түркия, Грузия және Дағыстан арқылы жүріп өтті.

Сапар барысында жалпы жүрілген жол 17 500 шақырымды құрап, көлік жүргізу уақыты шамамен 319 сағатқа жетті. Мұндай маршрут автомобиль үшін ұзақ қашықтықтағы күрделі сынақ болды: GAC GS8 бірнеше апта бойы әртүрлі елдердің жолдарымен мыңдаған шақырым жүріп, ұзақ сапарлар мен түрлі жол жағдайларынан өтті.

Бір сапарда 17 500 шақырым

Отбасылық автомобиль үшін алыс сапарлар кезінде сенімділікпен қатар жайлылық та маңызды. Бұл саяхат барысында GAC GS8 алты адамнан тұратын отбасының күнделікті қозғалысын қамтамасыз етіп, ұзақ сапарға қажетті заттар мен кемпингке арналған жабдықтарды тасымалдады.

Иесінің айтуынша, сапар алдында автомобиль жоспарлы түрде дайындықтан өткен: майы мен сүзгілері ауыстырылған. Сонымен қатар отбасы автокөлікке автобокс пен кемпингке арналған қосымша жабдықтарды орнатқан. Бұл автомобильді жол бойындағы демалыс кезінде де тиімді пайдалануға мүмкіндік берді.

GAC GS8 интерьерін трансформациялау мүмкіндігі де сапар барысында өз артықшылығын көрсетті. Маршруттың кейбір нүктелерінде автомобиль түнеуге арналған орын ретінде пайдаланылды. Бұл бірнеше аптаға созылған автосаяхат кезінде әсіресе ыңғайлы болды.

Тек қашықтықпен ғана емес, әртүрлі жағдайлармен өткен сынақ

Маршрут әртүрлі елдер мен жол жағдайларын қамтыды: ұзақ тасжолдардан бастап қалалық бағыттар мен таулы учаскелерге дейін. Отбасы шекарадағы ұзақ күту уақыттарын да, елдер арасындағы бірнеше сағатқа созылған жолдарды да еңсерді.

Иесінің бақылауы бойынша, GAC GS8 тасжолда шамамен 100 шақырымға 8 литр, ал қалалық режимде 12 литрге дейін жанармай жұмсаған.

Ұзақ жолда автомобиль үш аймақты климат-бақылау жүйесі, алдыңғы орындықтарды желдету, адаптивті круиз-бақылау және 540° шолу жүйесі сияқты функциялардың арқасында жолаушыларға жайлы жағдай жасауға мүмкіндік берді.

Ұзақ сапарларға арналған отбасылық автомобиль

Саяхат GAC GS8-ді тек қала ішіндегі күнделікті қозғалыс үшін ғана емес, автомобиль бірнеше апта бойы негізгі көлік құралы болатын ауқымды отбасылық сапарлар үшін де пайдалануға болатынын көрсетті.

Бір сапарда 17 500 шақырым жүру — бұл жай ғана одометрдегі көрсеткіш емес, ұзақ сапар жағдайындағы автомобильдің нақты тәжірибесі. GS8 иесі үшін бұл сапар автокөліктің алыс қашықтықтағы мүмкіндіктерін сынап, оның мыңдаған шақырымды отбасыңмен бірге еңсеруге дайын екеніне көз жеткізуге мүмкіндік берді.

Бүгінде отбасы келесі автосаяхатты жоспарлап отыр. Бұл жолы маршруттың ұзындығы 20–25 мың шақырымға дейін жетуі мүмкін.

Жандос Шалхарбаевтың оқиғасы үлкен саяхаттың тек баратын жерден емес, мыңдаған шақырымды бірге еңсеруге сенім артатын автомобильден басталатынын көрсетеді.